Ceist 4: Stair na Gaeilge - 30 marc

Faigheann tú rogha de shé ábhar anseo agus bíonn ort scríobh faoi dhá cheann ar bith acu. Tá réimse fairsing leathan le clúdú i Stair na Gaeilge. Seo a leanas cuid de na hábhair le féachaint ar:

An Rúraíocht
An Fhiannaíocht
Annála na hÉireann
An Béaloideas
Na Ceiltigh agus a dTeangacha
Príomhscríbhneoirí agus príomhfhilí na Gaeilge
Scoileanna na mBard (Filíocht na mBard)
An Ghaeilge sa lá atá inniu ann
Tionchar na dteangacha iasachta ar an nGaeilge
An Aisling Pholaitiúil

Go hiondúil is trí mhórphointe a bhíonn ag teastáil in aon ghearrchuntas i Stair na Gaeilge.
Is pointí eolais a bheidh ag teastáil anseo in ionad do thuairimí pearsanta – ná déan dearmad nach féidir leat eachtraí nó imeachtaí staire a athrú!!

Nuair a bhíonn liosta scríbhneoirí nó filí i gceist, bíonn rogha inmheánach ann. D’fhéadfadh sé tarlú go bhfuil cuid acu ar an gcúrsa litríochta don Ardteistiméireacht.

Strong>Treoir Ama

Níl anseo ach comhairle chun tú a choinneáil ar an mbóthar ceart. Caithfidh tú a bheith cúramach agus airdeallach gan an iomarca ama a chaitheamh ar aon cheist amháin. Déan cinnte go mbeidh uaireadóir agat nó go bhfuil an clog le feiceáil agat!

Tóg thart ar deich nóiméad ag léamh an pháipéir ag tús an scrúdaithe.
Ceist próis 25  marc:  thart ar 25 – 30 nóiméad
Ceist próis 15 marc: thart ar 15 – 20 nóiméad
An Próstéacs breise:  thart ar 40 – 45 nóiméad
Ceist filíochta 20 marc: thart ar 15 - 20 nóiméad
Ceist filíochta 15 marc: thart ar 15 nóiméad
Ceist filíocht breise 35 marc: thart ar 35 nóiméad
Stair na Gaeilge:  thart ar 20 – 30 nóiméad

Mar a dúirt mé cheana, níl anseo ach comhairle duit. Tá 3 uair agus 20 nóiméad agat anseo, sin 200 nóiméad chun 180 marc a bhaint amach. Coinnigh súil ar an am!!

GO N-ÉIRÍ GO GEAL LEAT SNA SCRÚDUITHE AR FAD!