Tá 180 marc ag dul do pháipéar a dó, sin le rá gur fiú 30% den iomlán é.

Is é seo a leanas an leagan amach:

Ceist 1: Prós - 40 marc

Beidh rogha agat idir an Prós Ainmnithe agus an Prós Roghnach. Má roghnaíonn tú an Prós Ainmnithe, caithfidh tú na ceisteanna ar an bhFilíocht Ainmnithe a fhreagairt freisin. Tá an rud céanna i gceist maidir leis an gCúrsa Roghnach. Má roghnaíonn tú an Prós Roghnach, caithfidh tú cloígh leis an bhFilíocht Roghnach freisin.

Seo a leanas an prós ainmnithe:
(i) An Cearrbhach Mac Cába le Seán Ó Dónaill
(ii) An Bhean Óg le Máire Mhac an tSaoi
nó Coileach Ghleann Phádraig le Biddy Jenkinson
(iii) Lig Sinn i gCathú le Breandán Ó hEithir
(iv) Fiche Bliain ag Fás le Muiris Ó Súilleabháin
(v) Clare sa Spéir le hAudrey O’Reilly nó Lá Buí Bealtaine le Mairéad Ní Ghráda

Bíodh eolas cruinn agat ar ábhair agus ar príomhthéama na scéalta.
Bí in ann cur síos a dhéanamh ar na carachtair, ar a ndearcadh agus ar na tréithe atá acu.

Tá dhá cheist próis le freagairt anseo.

(a) Ceist 25 marc
Tá rogha inmheánach anseo idir dhá théacs

(b) Ceist 15 marc
 Tá rogha ceiste agat anseo ach níl aon rogha ó thaobh an téacs. 

Ceist 2: Próstéacs Breise - 40 marc

Tá ceist amháin as A, B, C nó D le freagairt.

A: Gearrscéalta
Freagair (a) nó (b)
(a) Scothscéalta
(b) Cnuasach gearrscéalta roghnach

Tá rogha inmheánach in (a) agus (b). 

B: Úrscéalta
Freagair (a) nó (b)
(a) Máire Nic Artáin
(b) Úrscéal roghnach

Tá rogha inmheánach in (a) agus (b). 

C: Dírbheathaisnéisí
Freagair (a) nó (b)
(a) A Thig ná Tit Orm
(b) Dírbheathaisnéis roghnach

Tá rogha inmheánach in (a) agus (b). 

D: Drámaí
Freagair (a) nó (b)
(a) An Triail
(b) Dráma roghnach

Tá rogha inmheánach in (a) agus (b). 

Is cuma cén cheist a roghnaíonn tú anseo i gceist 2, An rud is tábhachtaí ná go mbeifeá in ann plé a dhéanamh ar na téamaí, ar na himeachtaí agus ar na carachtair. Déan cinnte nach mbeidh an iomarca achoimre á dhéanamh agat. Tabhair cuntas chuig pointe ar imeachtaí an téacs agus ar na buanna agus na lochtanna a théann leis dar leat.