Bhí Ré Ó Laighléis ar cuairt ar Bhaile Locha Riach, Co. na Gaillimhe le déanaí le léargas ar leith a thabhairt do scoláirí ar ‘Phrós na hArdteiste’. Scríbhneoir comhaimseartha agus iar-mhúinteoir scoile atá sa Laighléiseach agus clú is cáil air as duaiseanna liteartha a bhuachaint thar na blianta. 

Níl amhras ar bith ann ach go bhfuil tuiscint beacht ag Ré Ó Laighléis ar na tréithe liteartha uile agus é ag saothrú le ceird na scríbhneoireachta go lán-aimseartha.

Bhí an ceardlann eagraithe go speisialta ag an ghrúpa liteartha ‘Baffle’ i gcomhar le Coiste Gairmoideachais Chontae na Gaillimhe agus tacaíocht ó Fhoras na Gaeilge leis.

Mhothaigh scoláirí Bhaile Locha Riach go raibh léargas úrnua tugtha dóibh agus tuiscint níos cruinne acu ar na génre éagsúla próis atá ar an chúrsa acu. Faoraor, tá idir bhéaloideas, drámaí, gearrscéalta, gearrscannán, sliochtanna as dírbheathaisnéis agus úrscéalta mar chuid den chúrsa léinn ag daltaí. Díríodh go príomha ar an ghearrscéal, na tréithe a bhaineann leis agus tagairtí do shaothar na hArdteiste maraon l’ábhair scríofa ag an údar féin.

Stiúirigh Ré Ó Laighléis ceardlann fíor-spreagúil a chothaigh spéis na ndaltaí i litríocht na Gaeilge go ginearálta agus deis acu sult is pléisiúr a bhaint as a shaothar féin chomh maith.

Cinnte, bhí go leor noda tugtha do scoláirí Ghairmscoil Bhríde agus do Choláiste Raphael araon i mBaile Locha Riach. Ní amháin  gur mhothaigh idir mhúinteoirí agus daltaí go raibh siad ullmhaithe níos fearr tabhairt faoi shiollabas na hArdteiste ach b’fhéidir go mbeidh ionspioráid ar leith tugtha do chuid acu a bheith ag saothrú mar scríbhneoirí sa todhchaí.

Comments (0) »

Show/Hide comment form

Name

Email

Title

Comment

Write the displayed characters

Add Comment