Bronnadh Gradam Vodafone ‘Passion for the World Around Us’ ar Bhríd Ní Chonghóile, Ardfheidhmeannach Ghaillimh le Gaeilge i gCathair na Gaillimhe, de bharr a tiomantas i gcur na Gaeilge chun cinn,  i gcathair na Gaillimhe.  B’iad Séan agus Rachael Stewart, JSL Stewart Group a d’ainmnaigh Bríd don Ghradam agus roghnaíodh í  ón iliomad ainmniúchán.

Cinntíonn sí  go mbíonn íomhá pearsanta ag cur aidhm Ghaillimh le Gaeilge, Cathair na Gaillimhe a chur chun cinn mar chathair dhátheangach, i bhfeidhm.  Níl aon dabht, ach go raibh tionchar mór ag  díograis agus ag fuinneamh Bhríd ar bhaint aidhmeanna Ghaillimh le Gaeilge, ag cur na Gaeilge chun cinn i nGaillimh, amach.

Creideann Bríd go daingean i luach na Gaeilge agus i gcultúr uathúil na Gaeltachta. Lena tiomantas agus lena hionchur, chabhraigh sí a chinntiú go mbeadh éagsúlacht idir Gaillimh agus Cathracha eile in Éirinn agus san Eoraip.

D’úsáid Bríd cur chuige praicticúil, nua-aimseartha agus nuálaíoch chun a chinntiú go n-úsáidfeadh gnólachtaí i gcathair na Gaillimhe an teanga, ag cabhrú le caomhnú agus cur aitheantas cultúrtha na Gaillimhe, chun cinn . Dá bharr, bhí an Ghaeilge in úsáid ag an phobal áitiúil.

Bhunaigh Gaillimh le Gaeilge an Coiste Logainmneacha i gcomhpháirt le Comhairle Cathrach na Gaillimhe. Bhí sé i gceist leis seo go mbeadh forbraíochtaí tithíochta á n-ainmniú i nGaeilge,  ag méadú fheiceálacht na Gaeilge ar fud na Cathrach. Tá baint lárnach acu le heagrú imeachtaí sóisialta,  a thugann deis do dhaoine Gaeilge a labhairt in atmaisféar sóisialta agus neamhfhoirmeálta.

Comments (0) »

Show/Hide comment form

Name

Email

Title

Comment

Write the displayed characters

Add Comment