Sheol láithreoir an clár Féilte ar TG4, Sinéad Ní Loidéain, clár agus suíomh idirlín nua Fhéile an Dóilín ar an gCeathrú Rua an tseachtain.  I measc na n-imeachtaí a bheidh dhá reachtáil ar dheireadh seachtaine saoire bainc Lúnasa, beidh oíche speisialta ina ‘spáinfear scannán a déanadh de dheireadh seachtaine Fhéile an Dóilín i 1982, agus labharfar ar an oíche le daoine atá le feiceál ins an scannán.

Freisin, beidh ceann de mhór-ócáidí na féile, an Pharáid Seoltóireachta, ar bun arís i mbliana ar an Satharn, 2 Lúnasa, ina mbeidh cead ag an bpobal dul amach ar húicéirí na Gaillimhe, ach seaicéad tarrthála a bheith acu.

“Bliain mhór í seo d’Fhéile an Dóilín i gur b’í an chéad uair riamh í an fhéile a bheith dhá reachtáil thar dhá dheireadh seachtaine,” a deir cathaoirleach na Féile, Rónán Mac Con Iomaire.  “Beidh féile mara ar bun le linn saoire bainc Lúnasa, agus féile pobail spraoúil againn ón 26-28 Meán Fómhair.”

Deir an cathaoirleach gur dul chun cinn mór a bheidh sa dá dheireadh seachtaine, agus go bhfuil go leor den bhuíochas ag dul do thacaíocht atá faighte i mbliana ag Féile an Dóilín ó Údarás na Gaeltachta agus Gaelsaoire.

Tá eolas ar na himeachtaí ar fad eile ag www.doilin.com.

Comments (0) »

Show/Hide comment form

Name

Email

Title

Comment

Write the displayed characters

Add Comment