Beidh oíche cheoil agus amhráin thraidisiúnta i Músaem Cathrach na Gaillimhe oíche amárach (Déardaoin 17ú) ag 8i.n, nuair a thiocfaidh triúr sár cheoltóirí atá lonnaithe sa gcathair; Mick Crehan, Paul Bradley agus Tommy Keane le chéile chun ceol a chasadh agus cur síos a dhéanamh ar stair agus traidisiún an cheird.

Tosóidh na h-imeachtaí go léir ag a 7i.n, tar éis seoladh oifigiúil de dhlúthdhiosca nua carthannach atá á sheoladh ag GOAL.  Deis a bheidh san ócáid seo do dhaoine a theacht agus ceisteanna a chur ar na ceoltóirí maidir leis an t-údar atá taobh thiar dá gcuid suime sa gceol, nó ceisteanna faoin gceol é féin.  Beidh neart poirt agus cúpla amhrán le cur leis an ócáid chomh maith.

Ina theannta seo, beidh an déantóir uirlise traidisiúnta, Paul Doyle sa Mhúsaem Dé Sathairn ag a 3i.n, chun caint a thabhairt ar uirlisí traidisiúnta a dhéanamh.  Tá Paul ag obair sa chathair le roinnt mhaith de bhlianta agus cáil náisiúnta air mar sár dhéantóir uirlise.  Chun a thuilleadh eolais a fháil ar an gcaint seo, nó ar an oíche cheoil, is féidir glaoch a chur ar: 091 532460.

Comments (0) »

Show/Hide comment form

Name

Email

Title

Comment

Write the displayed characters

Add Comment