Tá an nasc ceoil is teangan neartaithe níos mó idir mhuintir Oirthear na Gaillimhe is Gaeil Bhéal Feirste tar éis Tionól Fidiléireachta a eagraíodh ann ag deireadh na seachtaine. Rinneadh go leor cairde le linn Scoil Ceoil an tSamhraidh Broderick/Carty i mí Iúil agus trí theaghlaigh ó Bhéal Feirste ag freastal ar an ócáid. Is cosúil gur bhain cách sult as cuideachta a chéile le linn an scoil ceoil agus tugadh cuireadh do cheoltóirí óga Oirthear na Gaillimhe gabháil ó thuaidh agus freastal ar Tionól Fidiléireachta 11 Lúnasa in Iarthar Bhéal Feirste le linn Féile an Phobail sa chathair.

Ghlac naonúr leis an cuireadh agus cuireadh fáilte fíor-Feirsteach leo agus lóistín curtha ar fáil dóibh chomh maith. B’é an eagraíocht ‘Glór na Móna’ a d’eagraigh an Tionól Fidiléireachta agus a chinntigh go raibh gach rud in ord is in eagar dá chuairteoirí.

D’éirigh leis na Gaillimhigh neart a fhoghlaim le linn an Tionól Fidiléireachta agus múinteoirí d’ardchaighdeán i mbun teagaisc. Ní amháin sin ach bhí deis acu cuairt a thabhairt ar na hionaid cultúrtha sa chathair agus a bheith páirteach i seisiúin ceoil i gcuid de na tithe tabhairne is aitheanta ann.

Tháinig na ceoltóirí óga ar ais arís chuig a gceantar dúchais agus iad iontach tuirseach ach ag caint ar an chraic is an sult a bhain siad as an turas. Tuigtear anois go bhfuil pleananna á leagadh síos cheana féin don chéad ócáid eile a mbeidh deis ag na ceoltóirí thuaidh is theas bualadh lena chairde úrnua.
 

Comments (0) »

Show/Hide comment form

Name

Email

Title

Comment

Write the displayed characters

Add Comment