Skip to content

Galway Independent

Home arrow News arrow Béal a Phobail arrow Albam in ómós d'Andy McGann
Albam in ómós d'Andy McGann E-mail
Written by Administrator   
Wednesday, 01 August 2007
A Tribute to Andy McGann is teideal do dhlúthdhiosca nua le Joe Burke, Brian Conway agus Felix Dolan i gcuimhne ar an bhfidléir Andy McGann, nach maireann, as Nua-Eabhrac.

Rugadh agus tógadh Andy McGann i Nua-Eabhrac agus b'as Sligeach dá thuismitheoirí. Bhí sé ar dhuine de laochra móra cheol traidisiúnta na hÉireann i Meiriceá. Bhí an pobal inar tógadh é an-lách do stíl cheoil Shligigh-Mheiriceá, a bhí cruthaithe ag imircigh as Sligeach glúin roimhe sin, leithéidí Micheal Coleman agus James Morrison ina measc. Thosaigh sé ag foghlaim na fidle in aois a sheacht mbliana. Rinne Michael Coleman, cara lena mhuintir, é a theagasc, agus sheinneadh Andy leis go minic go dtí gur cailleadh Coleman i 1945. Bhí ceol iontach binn ag Andy, gan é a bheith iomarcach, ceol corraitheach agus grástúil, agus is iomaí ceoltóir óg a rinne iarracht aithris a dhéanamh air. Sa deireadh, ba é an ceoltóir eiseamláireach i stíl Shligigh-Mheiriceá é, an stíl ar chuir Coleman tús leis, agus chuidigh sé leis an traidisiún sin a sheachadadh chuig glúin eile ceoltóirí, Brian Conway ina measc.

I 1965 thaifead Andy McGann an t-albam A Tribute to Michael Coleman lena chuid cairde, na ceoltóirí Joe Burke agus Felix Dolan. Beagáinín le cois ceathracha bliain níos déanaí, ar 1 Aibreán 2006, san Irish American Heritage Center i Chicago, thug Joe Burke, Felix McGann agus Brian Conway ceolchoirm dar teideal 'A Tribute to Andy McGann', i gcuimhne ar an sárcheoltóir agus dlúthchara dá gcuid a cailleadh i 2004. Ba é Brian Conway an rogha chuí le teacht i gcomharbacht ar Andy McGann ar an ócáid seo, ceoltóir a raibh ardmheas aige ar Andy agus a d'fhoghlaim an-chuid uaidh. Tá ceithre rian a taifeadadh beo le linn na ceolchoirme le cloisteáil ar A Tribute to Andy McGann, mar aon le rianta eile a roghnaíodh le ceiliúradh agus comóradh a dhéanamh ar shaol Andy McGann agus ar an stíl cheoil a chleacht sé.

Tá nótaí cuimsitheacha ar Andy McGann agus ar an triúr ceoltóirí ar an albam le fáil sa leabhrán. Tá A Tribute to Andy McGann ar díol i siopaí ceoil agus ar www.cic.ie <http://www.cic.ie>

Seolfar an dlúthdhiosca ag Scoil Samhraidh Willie Clancy i Sráid na Cathrach ar an 8 Iúil. Seolfar an dlúthdhiosca, leis, le linn Catskills Irish Arts Week in East Durham, Nua-Eabhrac ar 20 agus 21 Iúil. Tuilleadh eolais le fáil ag www.east-durham.org
 


Comments (0) »		 feed
Show/Hide comment formtoggle


Write the displayed characters


busy
 
User Rating: / 0
PoorBest 
< Prev   Next >
[ Back ]

Do you think there is enough high quality student accomodation around Galway?